Illinersiorluni ingerlavik

Atuagaq “Magnus Larsen – Illinersiorluni ingerlavik” Maanuup 1931-miit 1963-imut eqqaamasalersaarutaanik pisimasulersaarutaanillu imaqarpoq. Maanuup meeraanermini piniartukkormiut pissusii nunaqarfimminni itsarsuaaniit nunaqarfimmiut pissaqarniarnikkut aaqqissuussaanerannut tunngasut eqqartorpai. Inummik atsiisarnerup pingaarutai kinaassusermullu sunniussorineqartarnerattaaq isummersorfigaa. Nunaqarfimmiut Kitsissuarsunni pissusii inuuniarnerannullu tunngaviusut nammineq nalimini saqqummiuppai.

Meeqqat atuarfiata piniartussanut naleqqutinnginnera nalerukkani sukkut naleqqutinnginnersoq saqqummiuppaa. – Piniartuujumangaarfimmini avatangiisit sunniinerannik ilinniartussatut naaggaarsimanerminut allannguutit eqqartorpai, kiisalu Aasianni Efterskolimi Nuummilu Realskolimi ilinniartuunilersaarnera nuannersorpassuarnik eqqartuiffiuvoq.

Nuummiit Danmarkimut ilinniariartorluni ingerlaqqinnermini Maanooq marlunnik atorfinissutaasinnaasunik soraarummeeruteqarpoq ukuusunik:

1. Haslev Seminariami 1959-imi ilinniartitsisutut ilinniarnini naammassillugu angusilluarluni soraarummerpoq

2. Københavns Universitetimi 1963-imi januaarimi 1. karakteereqarluni soraarummeerpoq. Pastoral Seminariamut danskit palasinngorniat ilagiinni sulilernissaminnut sungiusartarfianni naammassigami 1. Juni 1963 Kalaallit Nunaanni palasitut atorfinitsinneqarpoq. – 23. juuni 1963 Københavnip oqaluffissaarsuani danskit palasissatut atuaqatigisimasami ilaat marluk palasinngortitaaqatigalugit biskop W. Westergaard Madsenimit palasinngortitaapput inuppassuarnit nalliuttorsiutigineqarlutik.

Atuagaq palasi Magnus Larsenip Qaqortumi palasitut inissikkallarneqarfianut killeqarallartumik atuakkiaavoq. – Atuagaq oqaluttuarisaanitsinnut tunngalluinnartunik imaqarpoq.

145,00 DKK

Pisiassap normua: 69 Suunera
Oqimaassuseq 0.343 kg
Atuakkiortoq:

Magnus larsen

Saqqummerfia:

2016