Ilagiit sinniiseqarneq 1963-2013

Atuakkiaq “Ilagiit sinniiseqarneq 1963-2013” tassaavoq ilagiit sinniisaanni ilaasortaasimasut peqatigalugit uannit Magnus Larsenimit atuakkiarineqarluni aaqqissuunneqartoq.

Ilagiit sinniisaasa ataatsimiittarneranni ulluinnarnilu ilagiittut sulinivimmi peqataaneranni pisartorpassuarnik ilaatigut ilumoorsaaginnarfiunngitsunik quianartorpassuartalinnilli atuagaq imaqarpoq. Ilagiinnut tunngasut eqqaaqqajaaneqartarput; uangali atuakkioqatissama 25-usut allaffigineranni ilisimatitsisimavunga ulluinnarni inuunerup ingerlarngani pisimasunik naapitaminnik allaaserisaqarnissaat kajumissaarutigalugu. Tamanna assut iluatsilluarsimavoq, isumaqarpungalu ilagiinni oqaluttuarisaanitta ilaa ukiuni 50-ini kingullerni ittoq ilaatigut tammaannartussaagaluaq iluatsittumik piviussuseqartumillu atuakkami allaatigisatigut oqaluttuarisaanermut ilanngukkipput.

Ataatsimiittut ilaata ilani assortuuttut pisimavai: “Ilagiit sinniisaanni taamatut ataatsimiittarniarussi toqugussi annannavianngilassi! Qilammut pinavianngilasi!” Neriuppunga atuagaq ilassilluarneqarumaartoq.