Atuagaq ”Meerannguit oqaluttuutilaarlassi” uanga nammineq meeraaninni tusarsimasannik uangalu nammineq
misigisimasannik imaqarpoq.
Atuakkap siorna tungaa meeqqanut minnernut innalerneranni oqaluttuannguatut sinnassaatitut piukkuppakka. Atuakkap naggataatungaata imai meeqqanut annernut atuartuusunut piukkuppakka.
Uanga nammineq maanna utoqqarsuanngorlunga 91-inik ukioqalerninni atuagaq kingornutassiatut isigaara. Inuuneruna meeraanermi pisimasumigut inuunerup pisimasoriumaagaanut nakooqutaasinnaasunik sillimmasersorneqartartoq. Taamaattumik meerannguit ajunngitsunik tusaatissiortukkat meeraanermi nuannersunik eqqaasartagassinneqartarnerat inuunermi pingaaruteqarluinnartuuvoq.
Meeraaffimmi misigisimasat assilissatut toqqorneqartarput, taakkulu inuunermi pisimasuujumaartunut assigiinngitsunut aalajangiutassanullu inuunermi pingaaruteqalerumaartunut oqimaaqatigiissaarinermi naleqarluinnartuupput.
-Magnus Larsen.
