Tatamittussiaasi- magaluarpunga

Atuagaq pisimasulersaarut “Tatamittussiaasimagaluarpunga” nukappiaqqap 11-nik ukiullip “inuillinnerup” qaarusuani takusaanit pilerfeqarpoq. Qaarusummi nukappiaqqap takuaa inuk issialluni seeqquni patisimallugit paniinnarsimasoq. Amiilaaqaluni takulerpai kiinaani isai isilerfianit anillassimasut, isaalu ipiutaannarminnik atapput. Kiinaq takullugu amiilaarnaqaaq. Nukappiaraq takusaminik amiilaarluni qiariaraluarpoq; qiassanili iivaa. Nukappiaraq qiassaminik iisigami inuunerminik navianartorsiorluinnalerpoq. Taava allatut ajornartumik takusimasaa takusartinneqarpoq. Nukappiaqqap takoqqikkusunngingaaraluakkami timip paniinnarnikup kiinaa takoqqippaa. Allatut periarfissaaruffimmini timip toqungalluni paniinnarsimasup seeqquisa qaanni suna tamaat isukkaarlugu qiarujussualerpoq, tassalu qiajunnaarluni eqqissigami “inuillinnerusinnaasunik” ersigisaaruppoq. Kingorna spejderisut angalasarnermini aqqusininnguit
takusani atuarlugit qangattarsiortalerpoq. Inuillinnernik naapitsisalerpoq. Naapitat ilaata “inuillinnerup” inuunermi atukkaminik paasissutissiilluni takussutissiinera Peter Brandtip panimminut Kirsten Brandtimut oqaluttuaa maanna atuaganngorpoq.

Nuannersorsuarnik assiliartaanik qalipaasuullunilu titartaasuuvoq Pernille Kreutzmann.